حكاية قلب
وهذه حكاية قلبي
إلي كان عايش معاها العمر .. على الأحلام ،،
..
بيوم قلت .. أفاتحها
وأصارحها .... لأني بحب حياتنا تبقى تمام ،،
..
وبديت أقول لها ..أنا
مين ....... وساكن فين ........ وعمري كام ،،
..
لاقيت فرق العمر بينا كبير
كتير .. هي فين وأنا فين .. ده يبقى حرام ،،
..
ومن حبي أنا فيها رحت أنصحها
وأوعيها وهي الصمت كاسيها..خلص الكلام ،،
..
ودست على قلبي ..وانا نازف
مقدرش أخدعها وألاوعها .. ده حتى حرام ،،
..
لقيتها .. تغيرت فجأة
ودمعتها سالت على الوجنات .. بدون كلام ،،
..
تقول لي أنت إلي ظالمني
فهمتك وأنت فاهمني ..وجاي تقولي سلام ،،
..
اقول يا عمري أنا زعلان
على فراقك .... لكن عمرك كام وعمري كام ،،
..
أنا عمري ضعف عمرك
محسعدكيش وحتي الحب يبقى بينا حرام ،،
..
ورحت ..وخطوتي ماشي وتاركها
وقلبي نيرانه مشتعلة..راح تنسى مع الأيام ،،
فايز أهل
٢-١٠-٢٠٢٠
ليست هناك تعليقات:
إرسال تعليق