بقلم الكاتبة // نور حجازي //

اللهُ حي
        وبحبك أنت القلب حي
أنا عايشه بيك ف الدنيا حيا وميته
           من يوم ماشوفتك
         قلبي جوه ضلوعي دق
         وعاش معاك ف دنيتك
                   أزاي أعيش
          لو قلبك أنت ماحبنيش
         هجرك لقلبي يعني شنق
          أزاي قدر قلبك يقول
       نفسي ما اكون ف دنيتك

          حُبك لقلبي كان عذاب
          قلبي بشوقه معاكي داب
       قِدرتي أزاي من غير ماحس
            أدخل حنانك وانحني
         قلبي اللي كان عايش قوي
                 مابينكسرش
   ضعف وعاش معنى الحياه ف جنتك
        مش قادر عن حبك يتوب
         داق طعم عشق محبتك
           حبك لقلبي كان هلاك
         حضنك كما حضن الملاك
          لاقادر ابعد عن هواكي
           ولاقادر كلي يسكنك

          بلاش تعذبني بهواك
       عاشقه تعيش روحي معاك
    دانا لو هموت من غير هواك
   هموت وانا متعذبه قبل الحساب
          وحياة هوانا وحبنا
           بلاش تعذب قلبنا
     دا الحب لو غاب م القلوب
         القلب ده يصبح حجر
               يصبح رخام
          لو انكسر   مات الكلام
          حبك كما الروح للجسد
           دا حبك للحياه حيااااه
        حبك لقلبي دنيته بعد الممات
          حبك لكل الكون وجوده
                  ومنتهاه

..... نور حجازي ....