بقلم الكاتبة // نور حجازي //

موجوعه بيك
    والنبض فيا بيشتكيك
    إيه غير القلب اللي كان بيحبني
                 إيه بدلك
   كان حبك ليا
             كما النجوم ف السما
          وبحنانك انا طلتها
صدقت حبك والحنان اللي بعنيك
                     أاااه
                 لو تعترف
       وتقول لقلبي  ع اللي بيك
                 إيه غيرك
          يمكن ظنوني تعذرك
 سكوتك ...
         خلى عقلي يشك فيك
               مشغول بغيري
           ولامين شاغل عنيك
            دانا ببقي جنبك
       وعنيك وقلبك مشغولين
           سرحان في مين
        طب جاي ليه بدق بابي
        لما انت قلبك مش معاك
         قاصد تكرهه قلبي فيك
        ولا بتزيد من عذابي والبُعاد
            وأبقى انا وبس السبب
              وأقول أنا كلمة وداع
       وانت اللي سايب مش أنا
                حرام عليك
        حيرت قلبي بحبي ليك
      طب قول لقلبي عل فيك
        دلني  ولو بنظرة من عنيك
 ماتسبش قلبي يذلني بمشاعري ليك
      قاسي ف كلامك والسكوت
        لكن عنيك قالت بشوق
                 بتحبني !!

... نور  حجازي ...