بقلم الكاتبة // نور حجازي//

أنا كنت يوم بشبهك
دلوقتي وجودي بيشبهك
طب ليه سكنت القلب ده
خليت القلب  يحن لك
شجره أنا
       وطرحت لك حب وحنان
         ورد الجناين كنت لك
    كنت بشوف فرحة عنيك
      لما الخطاوي تحن لك  
   دلوقتي ليه مابينا باب
        مقفول عليك
   أنا حسه ديما بالغياب
          قدام عنيك
و عن قلوبنا الفرح غاب
   والدمع  سال  وبيسألك ..؟
      بعـت السنين ؟
  قلبي اللي كان بيدق لك
         سايبه لمين ؟
  مين اللي جرح  قلب مين؟
        مين أهملك ؟
  دانا كنت لك  دنيا ودين
     وبقول أمين على كل شيء
    طب قولي راح الحب فين
   دانا قلبي لسه بيعشقك
           رغم الأنين
أسأل دموع قلبي الحزين
           كفياك عذاب
          دا العمر راااح
          والشعر شاب
       وانا قلبي في عز الصبا
  جوه الجسد أنا روحي بيك
              متسلسله
     مبدور فوقيها كوم تراب
   روحي اللي كانت طايره بيك
                مهمله
             قدام عنيك
      ورد ودبل مابين ايديك
      مين يسقي بس الورد مين
      ماطرحش وردي إلا ليك
      كان جوه حضنك يعشقك
      ريحة الزهور تملى المكان
      يجي الربيع قبل الأوان
       كل الورق فوق الشجر
          يخضر لما يلمحك
          ويشوف عنيك
   دانا والله ف بعادك بموت ....
     وبحيا بس  مابين ايديك
    افتحلي باب الشوق اليك
     أمحي التراب بس بأيديك
    لو باب مشاعرك ماتفتحش
    زود علي روحي التراب
              وادفني بيه .....

.....نور حجازي.....