بقلم الكاتبة // نور حجازي //

عودت القلب عليك ومشيت
 واقدرت والله علي غيابي
 والشوق من جوه ضلوعك غاب
راح فين الشوق من عينك قول
كات لما عيونك ما تشوفنيش
بتقولي حاسس إني بتوه
والشوق ناره قايده ف قلبك
إيه خلى الشوق بقى زي الشوك
وبيجرح قلب أغلي حبيب
حبي ف قلبك طلع ف الروح
سايب حبي جواك بيموت
كنت بتكدب أيوه عليه
      وتقول حبيت
معقوله الحب اللي ف قلبك
فعلاً كان كله صحيح أوهام
        ماترد وقول
      حبتني صحيح
          لساك كداب
كان بان ف عنيك إنك حبيت
أنا حبيتك من قلبي صحيح
لكن أنت بجد ماحبتنيش
مديتلك إيدي بكل الود
      ردت بمافيش
فين حضنك اللي وعدتني بيه
          جواه راح أعيش
فين دقة قلبي اللي في قلبك
        مش حساها فيك
              رد عليه
 راح فين طيب حبي اللي ماليك
مش شايفه ضيي ف عيونك
كنت حقيقي بتلعب بيا
ولا بتجرب حب جديد
بص بقلبك جوه عيوني
      شوفت دموعي
  نازله بحرقه بتكويني
كنت أما تغيب بس شويه
      كنت أسرح فيك
وبسرعه أغمض عيني وانام
لجل ماتجيني ف الأحلام
ونطير أنا وأنت ف أحلامنا
         زي العصافير
وأتكلم وانا عيني ف عينك
وأنت علي صدري ياروحي تنام
وتبوس الورد علي خدودي
   وأمحي بحناني أي ألام
كان شوقك ليا حمم بركان
كات جوه حضني بطفيها
     راح فين الشوق
معقوله يطلع ده أوهام
        وأفتح عيني
  ألقاني كنت عايشه سراب
          أنت حقيقي
            رد عليه
 سمعني وقولي إنك موجود
   أنا حسه إني بجد بموت
    أنت حقيقي ولا أوهام
          عشتها وياك
وف لحظه راحت من إيدي..

.... نور حجازي  ....